منى أبو حمزة للرئيس سليمان: لو دموعي بتكفي بخلّي دموعي شلال

التصنيف: أمن

2014-05-17 11:29 ص 2380

تواجه الإعلامية منى أبو حمزة أياماً عصيبة جرّاء المحنة التي يمرّ بها زوجها رجل الأعمال بهيج أبو حمزة، وبدا ذلك ظاهراً على ملامحها، عبر مسحة الحزن الواضحة اسبوعياً خلال تقديمها حلقات برنامجها "حديث البلد" ("أم تي في") المستمرة في تصويره، ومن خلال حضورها عبر موقعي التواصل الإجتماعي، "فايسبوك" و"تويتر".

أبو حمزة التي اعتادت مع متابعيها عبر "تويتر" التغريد اسبوعياً أثناء عرض الحلقة، غرّدت ليلة الخميس بالقول أنّها تعتذر عن عدم القيام بذلك، التزاماً منها الصمت كصرخة لتحقيق العدالة. انسحب صمتها الى "فايسبوك"، إذ بدّلت صورتها ("بروفايل بيكتشر") بصورة تشير الى ميزان العدالة، مطلقةً صفحة بعنوان: "الصفحة الخاصة لدعم الشيخ بهيج أبو حمزة". وها هي، تزامناً مع زيارة رئيس الجمهورية ميشال سليمان الى بريح لإتمام المصالحة، تُوجّه عبر "فايسبوك" رسالة الى الرئيس بمثابة صرخة تعيد لمّ شمل عائلتها، وتُفرح قلبها وقلوب أولادها بعودة زوجها.
في الآتي نصّ الرسالة:

"إلى الرئيس ميشال سليمان
يا ريّسنا وحدك عارف قدّيش الظلم كبير
يا ريّسنا إنت شايف، بس العتم كتير!
يا ريّسنا إنت وطالع، نتفة بالطالع ضيعتنا
حبيناها وفديناها وهي بالقلب حطتنا
يا ريّسنا بس تسلّم اتطلع عكل الوجوه
منها زعلان ومتألم و منها ساكت موجوع
ومنها صفرا صابها برد لحم كتافها مخلوع
يا ريّسنا إنت و طالع قدّم نتفة عضيعتنا
إذا بعض رجالها نسيونا
هيّ... ما نسيتنا
اسألها، مين الغطى ضهرك
يوم اللي كنتي برداني؟
مين النجح ومين الوِصل
وضلّو بالقلب خريباني؟
يا ريّسنا كانوا كتار، جابوني من بلدتنا
وتركت بدارنا أصحاب بكيوا بيوم فرحتنا
وتركت أيمن شهيد عتبان عغربتنا
قلتلو بكرا، من جديد، متثبّت عقيدتنا
ورجع أيمن و حب الكلّ و تشرب من ميّتنا
ومتل البيي و متل الجدّ جمع الضيعة وعيلتنا
يا ريّسنا إنت وفالل مرّقني لحظة بالبال
إنت العالم، إنت العارف كيف الوضع والحال
لو دموعي بتكفي بخلّي دموعي شلال
لو كتافي بتوّفي بحطّهن عكتافي شال
كل الي انظلموا كل الما انفهموا
وانحطوا بالأغلال".