وين المفتاح يا با ؟!

التصنيف: Old Archive

2015-05-15 11:19 ص 647

خليل إبراهيم المتبولي

الأب : يا با محمود وين المفتاح ؟

الإبن : أي مفتاح يا با ؟!

الأب : المفتاح لي عطانا ياه جدّك قبل ما يموت

الإبن : مفتاح ؟!

الأب : عزا ... مَالك ؟.. مفتاح دارنا

الإبن : ليش نحنا إلنا دار يا با ؟!

الأب : أُسكت وَلَه ... إيه إلنا دار وبيّارة ...

الإبن : ( يضحك ) وبيّارة كمان ؟ خَلص يا با خلص

الأب : وَلَه إيش لي خلص ؟ تخلص روحك .

الإبن : تخلص روحي ؟ إذا خلصت روحي مين بيعطيك المفتاح وبحافظ عَلِيه

الأب : آه ، فإذاً قوم جيبو لهالمفتاح ... شو مشتاق لريحتو !..

الإبن : يا با جدي مات وهُوُ عم بشم ريحة هالمفتاح ... يا حرام يا جدي !

الأب : الله يرحمك يا با متت والغصّة بقلبك ... متت مقهور ع أرزاقك ودارك ...

الإبن : طيب يا با ، ليش ما منرجع ع دارنا ؟

الأب : لازم نرجع ، وتنرجع ، بدها تعود الكرامة والعزّة والنخوة عند العرب ...

الإبن : وكيف يا با ؟!

الأب : تنخاف ع بعض ونصير إيد واحدة

الإبن : آه حلو .. بس ما أسهل الحكي ..

الأب : صح يا با الكلام سهل بس التطبيق صعب ، لأنّو كل واحد من هالعرب قلبو ع حالو

وع مصالحو وع عرشو ...

الإبن : يا با بَدَكِش المفتاح ؟

الأب : جيبو تنشوف كيف صار بعد 67 سنة ...

الإبن : 67 سنة يا با ؟!! آآخ

الأب : إيه والله آآآخ ... وآآآخ ... وآآآخ ...

الإبن : الله يرحمك يا جدي ...

الأب : الله يرحمو ..

الإبن : خايف يا با ، قول كمان الله يرحمك يا با ، ويجو ولادي يترحمو عَلَاي ويضلو يشمو

ريحة هالمفتاح ... شِم يا با شِم ...

أخبار ذات صلة

في صحف اليوم: تراجع في موقف الجامعة العربية بشأن حزب الله بعد ضغط

2024-07-02 12:25 م 151

جنبلاط متشائم: أستشرف توسيع الحرب*

2024-06-24 09:10 ص 262

لبنان ليس للبيع... مولوي: نرفض الإغراءات المالية لتوطين النازحين*

2024-06-22 09:59 ص 221

تطوّر "لافت"... أميركا تكشف مكان السنوار وقادة حماس في غزة

2024-01-13 09:01 ص 288

خطة غالانت لما بعد حرب غزة.. هذه أهم بنودها

2024-01-04 09:09 م 353

مفوضية الجنوب في كشافة الإمام المهدي خرجت 555 قائدا وقائدة

2017-07-10 10:26 ص 1685

إعلانات متنوعة

صيدا نت على الفايسبوك

صيدا نت على التويتر

Tweets by Saida Net

الوكالة الوطنية للاعلام

انقر على الزر أدناه لزيارة موقع وكالة الأنباء الوطنية:

زيارة الموقع الإلكتروني