هلال حبلي

الوجع والمصيبة والظلم لا يفرقون بين غني وفقير، ويصيبون كل فئات المجتمع. الثورة التي انطلقت في 17 تشرين تميزت بأنها جمعت كل الطوائف حيث نزل الناس الى الشوارع بعد ان رموا الطائفية خلفهم، كما ازالت هذه الثورة الفوارق الطبقية بين الناس فصرنا نشاهد كل المواطنين في الساحات كتفا الى كتف وقد كان لكل ساحة ما يميزها ويجعل ابناء الوطن يفتخرون بها.
من المحطات الهامة في هذه الثورة كان الاعتصام الذي حصل امام شركة كهرباء لبنان التي يعاني بسببها وسبب مافيات بواخر الكهرباء ومافيات المولدات الكهربائية كل منزل وكل عائلة وقد كان للثائرين امامها كلمات معبرة عن وجع المواطن منها كلمة هناء مرعي ابو مرعي وكلمة اخرى لعاطف مرعي ابو مرعي وقد جاء فيها التالي:
هناء: في اشخاص عم تقول انو الناس لعايشين برا لبنان لازم تنزل على المظاهرات، انا بدي قول انو في كتير ناس بلبنان خيفانين تنزل انا بدي قلن ما تخافوا، مش كل الاشخاص نازلة حتى تشاغب وتسب. انا ام لولدين ونازلة لان بدي ولادي يعيشوا ببيئة نظيفة بدي ولادي ياكلوا اكل ما فيها مواد كيماوية مسرطنة بدي ولادي ما ياخدو دوا مزورة وخالص مدتها وبدي ولادي يسبحوا ببحر لبنان. نحن لما ننزل عم ننزل نطالب نعيش بالحق الادنى بلبنان.
عاطف: أنا اليوم بدي احكي عن هيدي المؤسسة الفاسدة لواقفين تحتا اليوم (شركة كهرباء لبنان) وبدي قول انها بتخسر بحدود المليارين ل 3 مليار ليرة بالسنة، سألنا ليه ما بينعملها خصخصة، قالوا ما فينا لان في مافيا الموتيرات لعم يستفيدوا من انقطاع الكهرباء ليعملوا بزنيس ويقسموا الارباح بين بعض. فنحن سؤالنا اليوم من مغطيهن وداعمهن ليقدروا يقسموا الشمال لوحده والجنوب لوحده والجبل لوحده ويلوثوا البيئة اكتر ويدفعوا العالم ثلاث اضعاف الفاتورة الرسمية. ومن فترة شفنا كيف بصيدا صار في قتلى بسبب خلاف على الموتيرات والقضاء لم يتحرك بسبب في مين حاميهن من السياسين الفاسدين بالبلد.