خليل المتبولي : تشويش رقم 2 : الهريان
التصنيف: ثقافة
2021-04-22 03:45 م 414
بقلم : خليل إبراهيم المتبولي
- شو بها سيارتك ؟ صرلي فترة شايفها واقفة ولا حركة .
• شو بدّي قلّك وخبرك ، الحق علييّ
- الحق عليك ما اخلتلفنا ، بس كيف ؟
• ضل حدا ما ركبها ، وما لعب فيها ، وما سوّا الهوايل فيها
- طيب ليه ؟ ليش سمحتلهم ؟
• أنا ما سمحتلهم ، هنّي ينتدبوا حالن على سواقتها ، ويحتلّوها
- وأنت شو تعمل ؟
• شو بدّي أعمل ؟ قاوم وأوقف بوجهم ، بس عالفاضي ، هنّي أقوى
- هنّي أقوى من ورا ضعفك ، واستهتارك كمان
• استهتاري ؟!
- إي طبعًا ، تاركها على حالها ، وتارك فسادهم يعشش فيها
• ما بصير هالحكي ؟
- مبلى ، بصير ، تاركهم يسوقوها ويخرّبوها ، وأنت تاركها لا بتعمللها صيانة ولا بتصلّح فيها يللي بيخرب .
• ما كانوا يخلّوني ولا حتى هلأ عم يخلّوني
- مين ما عم يخلّيك ؟ شو هالحكي هيدا ؟!
• متل ما عم قلّك ، بالأول كتير ناس ساعدتني ، ناس حطت إيدها ودفشت شوي ، وناس دكّرتها ، وناس دعيتلها ...
- قصدك ناس دعيت عليها حتى وصلت لهون
• آه قولك ؟!
- إي طبعًا ، شوف هالتفسّخات بدواليبها ، كيف بدها تمشي ؟
• ما رح تمشي ، وما قادر غيّرهم ، لأنّو مش مأمنين .
- طيب اطلبهم من برا .
• جرّبت ، بعتت جبلها قطع من دول أوروبية وعربية وخليجية ، ما في نوى ، ما حدا عندو
- لأ ، مش ما حدا عندو ، ما حدا بدّو يساعدك
• ليه ؟
- ليه ؟ من ورا هالهريان يللّي آكلها ، ومن ورا عنادك
• عنادي أنا ؟
- إي طبعًا ، ما بدك تتركها
• وليه بدّي أتركها ؟
- لأنّو اهترت ، وما بقا تسوا
• طيب شو الحل ؟
- اتركها
• لأ ، ما بدّي أتركها
- إي ، خلّيك مكمّش فيها ، تتروح على جهنّم إنت وياها
• ( باستغراب وتعجّب ) على جهنّم أنا وياها ؟!.
- إي ، أقلّه حبيبي
صيدا
22/4/2021
أخبار ذات صلة
عرض "مسرحية القدس 2030" في ثانوية السفير الغازية
2024-05-01 03:13 م 49
ليس المعلّمُ من يموتُ بل الوطن موتٌ رديءٌ لاصلاةٌ أو كفن
2024-03-28 11:07 ص 93
نجل فضل شاكر يكشف تفاصيل عودة والده
2024-03-25 10:31 ص 117
سيمبوزيوم مدى المجتمعي ٢" إحياءً للذكرى 49 لاستشهاد المناضل معروف سعد
2024-02-27 07:31 م 80
برسم المفتي سوسان ونواب المدينة والمعنيين انقذوا مبنى التعازي في المقبرة
2024-04-28 04:28 م
لغياب الأدلة.. الأمم المتحدة تغلق قضايا ضد موظفي أونروا
2024-04-27 05:49 ص
د. محمد حسيب البزري: حوادث الدراجات النارية خطيرة ومكلفة
2024-04-20 09:04 م
بالاسماء: داعمي قرار بلدية صيدا وقائد المنطقة بحق الدراجات النارية المخالفة
2024-04-18 02:52 م
بيان من بلدية صيدا : للتشدد في قمع مخالفات الدراجات النارية