خليل المتبولي : تشويش : ما رح تمرق ... السيارة !
التصنيف: ثقافة
2022-01-04 02:30 م 929
- شوباك وقفت ؟
- إنتَ شو باك ؟ هاي طريقي
- لأ ، هاي طريقي أنا ، وزيح من طريقي خلّيني كمّل ...
- لأ، ما حزرت ، الطريق طريقي ، وأنا يللي بدّي مر .
- هيأتك مُرْ زيادة عن اللزوم ، ومّرْمَرْ عيشتنا .
- صرت أنا يللّي مّرْمَرْ العيشة ، شوف حبيبي أنا ما رح إرجع ، وباقي بمكاني ، لأنّو هيدا حقي .
- وحقي كمان ، والأرض يللي واقف عليها هاي أرضي .
- وأرضي كمان ، مش من حقك تدّعي وتخلق أعذار ، هيدي الأرض للجميع .
- الأرض للجميع ، وأنا قبلك هون عليها ...
- لأ ، أنا قبلك ، ووصلت قبلك .
- شو هوي يللي بيوصل قبل ؟!؟ هوي يللّي حضورو وكيانو قبل . سماع من الآخر مَرْقا ما رح تمرق .
- بدّي أمرق .
- ما رح تمرق ، أو بكسرلك سيارتك .
- استرجي قرّب ع سيارتي .
- ليك ، ما تهدّد .
- ما عم هدّد ، بس بدّي دافع عن سيارتي .
- حقّك تدافع عنها وتحميها كمان ، بس ما رح تمرق .
- في كرامتي قدّام الناس ، وكرامة سيارتي .
- كرامتك ع راسنا ، وكرمال كرامة سيارتك ، ودفاعًا عنها مش رح تمرق .
- بدّي أمرق ، وما تاخدني بالعواطف .
- بدي ذَكْرَك إذا كنت ناسي ، أنّو أنتَ يللي خرّب بوجياتها كرمال تعطّلها وتبطّل تشتغل .
- لأ حبيبي مش أنا ، إذا بتذكر أنتَ خربتلي الكاربيراتور بالأوّل .
- وأنتَ يللّي نَفّست دواليبك حتى ما تقدر تمشي .
- هلأ من الآخر ، بدّي أمرق .
- ما رح تمرق ، ورجاع لورا .
- ما عدت قادر إرجع ، ورايي سيارات وناس .
- وأنا كمان ورايي سيارات وناس .
- والحل ؟
- بإيدك .
- لأ ، بإيدك أنتَ ...
( لا زال الإختلاف والخلاف قائمًا ، وما رح تمرق عالقة بين الإثنين معًا )
أخبار ذات صلة
د علي في درس فقهي في مسجد الصديق حول أحكام السهو في الصلاة
2026-09-26 09:13 م 228
خليل المتبولي : صيدا... حين يخذل الحاضر مدينةً كتبها التاريخ
2026-09-13 05:30 ص 273
الشيخ محيي الدين عنتر يحاضر في مسجد الصدّيق حول سيرة النبي محمد ﷺ
2026-09-10 08:43 م 192
إعلانات
إعلانات متنوعة
صيدا نت على الفايسبوك
الوكالة الوطنية للاعلام
انقر على الزر أدناه لزيارة موقع وكالة الأنباء الوطنية:
زيارة الموقع الإلكترونيتابعنا
رمز فلسطين كوفية على كتفي عامر معطي صورة تحمل أكثر من معنى... رسالة أخوّة
2026-09-29 06:21 م
هل تقاضي بلدية صيدا معمل النفايات بـ3 ملايين دولار؟