أكد المطرب الشعبي شعبان عبد الرحيم الشهير بـ"شعبولا" أنه كان يغني لنظام حكم حسني مبارك لأنه لم يكن يعلم كم فساده، مؤكدا أنه سيغني للنظام الجديد، أما لو صعد الإخوان المسلمون إلى سدة الحكم، فإنه لن يغني أصلا، وسيتجه إلى قراءة القرآن
وقال شعبولا في حواره لصحيفة "صوت الأمة" المصرية: "بصراحة أنا مكنتش أعرف إن الناس دي سارقانا في حاجة ولا حاجة خالص، يعني مين كان يقول حبيب العادلي ياخد فلوس ويحطها في البنك لنفسه ولا الريس يعمل كده يا ريت الناس الجديدة اللي تيجي بقى تبقى كويسة وتظبطنا"
وعن تأكده من نزاهة النظام الجديد حتى يتثنى له الغناء له قال: "هغني وخلاص زي ما كنت الأول بغني وخلاص يعني أنا كنت اتأكدت أولاني عشان أتأكد تاني"؟، "ولو الإخوان المسلمين مسكوا الواحد هقرا قرآن وخلاص هخش برضوا تبع الخط يعني همشي ورا عمرو خالد هو يتكلم وأنا أقول "آمين"
وفيما يتعلق بثورة 25 يناير، قال شعبان: "والله حاجة كويسة وأهو تجديد برضه وهي دي التكنولوجيا"، ورفض شعبان أن تكون الشرطة هي التي أطلقت الرصاص على الشهداء وقال: " الشرطة مضربتش حد

الناس والشرطة كله كان بيضرب في بعضه، يعني الناس بتضرب في الشرطة والشرطة بتضرب في الناس وكل واحد فيهم كان بيدافع عن نفسه"
وأضاف المطرب الشعبي: "وبعدين الشرطة دي ساعة ما مشيوا وسابوا الأقسام دي أوامر واخدينها وميقدروش ميعملوهاش بس مش في قسم واحد ده في كذا قسم يعني لازم يكون في حد كبير هوه اللي قالهم يمشوا دول بياخدوا أوامر امشي امشي، اقف اقف، اضرب اضرب مبيفكروش فيها وبيني وبينك لما يمشوا أحسن ما يقفوا قصادهم ويضربوا بالنار"