هلال حبلي صيدا نت 

إلى أبناء صيدا اقرؤوا هذا الموضوع بتمعن وخذوا العبرة.

بداية بدنا نقول لهؤلاء أصحاب موتيرات الكهرباء يلي بصلوا وبيعرفوا الأماكن المقدسة بالصلاة مثل مكةو المدينة المنورة و النجف الشريف و مدينة قُم، هناك أية في القرآن تتحدث عن إيفاء الكيل والميزان،فلنسأل الأحزاب الإسلامية: "أوفوا الكيل والميزان" هل تنطبق على أصحاب المولدات الكهرباء وخاصةيلي بيسجدوا لرب العالمين وهني بيدعوا بالسجود:

يا رب ارحمنا ونحنا ما بنرحم عبادك

يا رب تنجينا من النار ونحنا عم نشوي عبادك بالظلام

يا رب ارزقنا ونحنا عم نسرق عبادك وعم ناخذ أموالهم من جيابهم ٨٠ سنت على الكيلو

يا رب إنك غفور رحيم، ونحنا عم ندعس عبادك وعم نهددهم ونشلهم شرايط الكهربا

1- السؤال للمفتي سوسان والمفتي مدرار ومشايخ صيدا: شو حكم الشرع بهل الموضوع؟

2- بدنا نسأل قيادة حماس، يلي عندها كبار العلماء والتي تحمي أو تمون على العديد من أصحابالموتيرات في صيدا، بالشرع هيدا شغال أم ما في منه؟

3- بدنا نسأل قيادةحزب اللةفي صيدا  : شو رأي الشرع الإسلامي بهل الموضوع، وانتوا بتمون علىأصحاب مولدات الكهربا، بدنا رأي الشرع؟

4- وبدنا نسأل منظمة التحرير، مش عندهم أغنية مشهورة: أنا فلسطيني أنا فلسطيني، أنا فلسطينيوبحرق دم اللبناني بموتيرات الكهربا، أنا فلسطيني وبطفي موتيرات الكهربا عن مدينة صيدا، وينك يافلسطين!

5- نسأل الأمنية، بعض الضباط، أو بعض المسؤولين في الدولة، شو رأيكم بأصحاب المولدات، في مدينة صيدا، يلي عمالين يطفوا، هيدا الشيبالقانون معقول، حلال أم حرام!

6- بدنا نسأل الجماعة الإسلامية ومشايخها، يا رواد المساجد، ما هو حكم الشرع بأصحاب المولداتومخالفتهم التسعيرة، هل هذا الشي حلال أم حرام؟

الشاطر يعطينا جواب أو الكل راح يهرب، ما راح يعطي جواب!