الاجتماع الأول... سماحة: بيوصلوها مطرح اللي منقلن من دون ما يعرفو لمين ولا كيف ولا وين ولا شو بدو يصير

 

تفي "الجمهورية" مرة جديدة بوعدها. تتكلم لأنّ الصمت أصبح خيانة. تنشر المحضر الرسمي للتحقيقات مع الوزير السابق ميشال سماحة بكل وقائعه وتفاصيله، لا لتسجيل سبق صحافي إضافي بل لتؤكد رسالتها في كشف الحقائق إجلالاً لدماء الشهداء الذين سقطوا في التفجيرات والاغتيالات وحفظاً لحقوق الناس الذين فقدوا إبناً أو ابنة أو أباً أو أماً أو أختاً أو أخاً ضحية عمل إرهابي جبان.

في الساعة التاسعة من يوم الجمعة الموافق للعشرين من شهر تموز عام ألفين واثني عشر، نحن النقيب رقم 91222 والملازم أول رقم 91382 من ضباط شعبة المعلومات من المديرية العامة لقوى الأمن الداخلي ومرتدين اللباس المدني نثبت أنه وفي اواسط شهر تموز من عام 2012، حضر أحد الأشخاص إلى مركز الشعبة وصرح أن لديه معلومات أمنية على قدر عال من الخطورة يرغب بالادلاء بها، وباستيضاحه من قبل رئيس الشعبة صرح وبأنه ومنذ مدة اتصل به الوزير والنائب السابق ميشال سماحة كونه على علاقة معرفة به وطلب مقابلته في أقرب وقت ممكن في منزل سماحة في محلة الجوار، مضيفا أنه توجه الى منزل سماحة والتقى به حيث اخبره الأخير بأن اللواء مملوك يهديه السلام ويريد منه خدمة، وباستيضاح الأمر أعلمه سماحة بأن المطلوب تنفيذ عمليات تفجير واغتيالات في منطقة عكار وبأن اللواء مملوك على استعداد لتأمين المتطلبات اللوجستية والمادية اللازمة للتنفيذ، عندها أعلمه الشخص بأنه سيفكر في الموضوع وقرر التوجه الى شعبة المعلومات والادلاء بما لديه، وعليه سطرت.

 

- وبتاريخ 20/7/2012 تم اعلام النائب العام لدى محكمة التمييز القاضي سعيد ميرزا على الموضوع تفصيلياً فأشار باعتبار المذكور مخبراً سرياً في هذه القضية وتنظيم كتاب خطي بذلك.

 

- بموجب كتابنا رقم 155/205 الموجه إلى النائب العام لدى محكمة التمييز تمت الموافقة على اعتبار الشخص المذكور مخبراً سرياً في هذه القضية اعتباراً من تاريخ 21/7/2012.

 

- حضر المخبر السري وصرح بأنه سيجتمع بسماحة صباح السبت في 21/7/2012 في منزل الأخير الكائن في محلة الأشرفية – ساسين. وبناء عليه تم تجهيز المخبر السري بأجهزة تصوير وتسجيل سرية في جسمه بغية توثيق اللقاء بين سماحة والمخبر السري بالصوت والصورة. وبعد حصول اللقاء حضر المخبر السري حيث تم نزع جهاز التسجيل والتصوير من جسمه وتفريغ محتوياته مع الإشارة الى حصول لقاءين آخرين بين ميشال سماحة والمخبر السري بتاريخي 1/8/2012 و7/8/2012 وعليه سطّرت

  الاجتماع الثالث: سماحة يُسلم الأموال والمتفجرات للتنفيذ

 

لاجتماع الثالث:

 

الزمان 7/8/2012 الساعة 20.40 داخل منزل سماحة في الأشرفية مكان حصول الاجتماع الأول.

 

مخبر: ما تواخذني أنا ضهري عم يوجعني كتير، أخذت حبة وأخذت إبرة هيدي بالفرمشية ونمت نمت وطفيت الخط ما قدرت إمشي، صدقني ما عدت قدرت امشي.

 

سماحة: هاو المصاري (سلم سماحة المخبر كيسا لونه أبيض)

 

مخبر: (قام بإخراج النقود) 170 ألف خلص. لازم عدّن منشانك ولاّ خلص.

 

سماحة: خلص

 

مخبر: ما فيش بيني وبينك، انا بيهمني الأمور تمشي عخير.

 

سماحة: هلق بنزل أنا وياك بتنزِّل سيارتك

 

مخبر: إيه (قام بإعادة النقود إلى الكيس)

 

سماحة: 20 كيلو تنَينات

 

مخبر: 20 كيلو تنَينات

 

سماحة: تنين تنين، تنين تنين، وعندك يمكن 50 كيلو أو شي أو اكتر عشرينات أو تلاتينات

 

مخبر: كلّو تي ان تي

 

سماحة: إيه

 

 مخبر: كان لازم إيجي بغير سيارة بتعرف

 

سماحة: بشو جيت

 

مخبر: جايي بالسيارة الزغيرة أنا مش عارف إنو

 

سماحة: والمتممات بعدين، منشوف إذا في بعض المتممات أو شي أنا ما بفهم فيهم.

 

مخبر: المسدسات

 

سماحة: عم بجهزولك ياهن

 

مخبر: المتفجرات كلها جهزت يعني بيضل في الصواعق، الصواعق بعتولنا ياهن.

 

سماحة: الصواعق بعتلك ياهن

 

مخبر: بعتلي ياهن

 

سماحة: بس أطلع وارجع بدي ارجع جيب.

 

مخبر: أنا مبدئيا حضرت مرحلة التنفيذ بس أنا حضرتك في تحديد أنا رح قلك كلام يعني تقبلو مني. أنا صعوبة هيدا الموضوع إنت عارف شو هوي، أنا بيهمني إنو اللواء علي والرئيس فقط يكون معن خبر.

 

سماحة: مأمونة، ما حدن، ما حدا

 

(سماحة) صح مخبر: لأنو ديب زيتون استلم محلو بيكون عندو

 

سماحة: ما حدا، ما إلو علاقة ديب زيتون. عند علي القصة ما إلو علاقة لا ديب زيتون ولا حدا عند ديب، ما  حدا إلو علاقة.

 

مخبر: خلص

 

سماحة: ما بيعرفو منين ولوين، في شخصين بيعرفو علي والرئيس

 

مخبر: بس؟

 

سماحة: بس نحنا

 

مخبر: أنا اليوم كيف ممكن انحمي في حال حصل شي ما مأمن حمايتي وهيدا شي لازم أسألك ياه. أنا عندي عيله.

 

سماحة: مأمّنة مية بالمية (نافر مايند) مية بالمية مية بالمية

 

مخبر: كيف الوضع فوق

 

سماحة: (إيماءة استحسان وارتياح)

 

مخبر: أنا مرتاح للأجواء لأنو هاي الزيارة اليوم كانت، انا قبل ما غفى بيني وبينك سمعت التصريح وسمعت البيان، بيان مهم بس السعوديين عم يشتغلو بقوة هون هاه

 

سماحة: مزبوط

 

مخبر: وخاصة بندر بن سلطان بدي يحرك جماعتو كلن، عندك علم ما عندك علم ما بعرف.

 

سماحة: أنا بدي إذا سمعت شي

 

مخبر: عم تعملي وجع راس هالشرموطة (أركوكسيو) عرفتا بترخي العضل.

 

سماحة: ليش عم تاخد هالأمور

 

مخبر: ابديش اعمل عملية

 

سماحة: في أمور تانية

 

مخبر: عم باخذ فوردان

 

سماحة: إيرتال

 

مخبر: أخدتو، بتعرف معدتي إذا قلتلا شو فيكي بتقلك إيرتال

 

سماحة: في شي بينعمل هون، بدك تريح عضلك

 

مخبر: إيه

 

سماحة: (شرح عن حالته الصحية) أنا عم باخذ منو عم ينفعني كتير لأنو أنا تشنجاتي حقيقية

 

مخبر: أنا بعرف كان عندك مشكلة

 

سماحة: في شي اسمو (ديكلو نوربيون)

 

مخبر: قاطع عليّ

 

سماحة: ديكلو نوربوين، مش نوربيون هيدا يللي بيمنع، بيوقف التهاب الأعصاب ووجع راسك (شرح طبي)

 

مخبر: هلق، يطول عمرك، خلينا بالأهداف، في شي تعديل بالأهداف.

 

سماحة: لا أبدا كل ما يعرقل النظام والقيادة وأمن التنقل وإمكانية ضرب الأسلحة والذخيرة والتجمعات، المقاتلين، مفتوحة، مين بروح بالدرب (إيماءة عدم مبالاة باليد)

 

مخبر: ونواب المنطقة

 

سماحة: كمان كمان، قبلنا

 

مخبر: أنا قلتلك في شيوخ عم تحضر، شيوخ سنّة.

 

سماحة: يصطفلو ينقبروا ما يعودوا يحضروا. اليوم هجموا بحلب عالأحياء المسيحية.

 

مخبر: بتعرفن

 

سماحة: صحابي كلن، تلفونات. ما في سوري. أخوات الشرموطة ليبيين توانسة، شيشان، أفغان.

 

مخبر: أف يا لطيف

 

سماحة: لهجات، لغات، أشكال، فات الجيش على عملية كبيرة بس إدامن عم ياخدوهم من البيوت

 

مخبر: وهون شو؟

 

سماحة: هون أنا برايي بدا تفقش.

 

مخبر: بدا تفقش سياسيا بس؟

 

سماحة: مين في يقول ما تفقش غير سياسياً

 

مخبر: ما حدن

 

سماحة: انا قلت بيساعو بـ بـ

 

مخبر: معي الأودي.. أنا الأودي، بس أنا قلت إذا كل الغراض مش رح يساعو إذا كلن.

 

سماحة: بتاخد قهوة

 

مخبر: تا ما أخرك... بلا قهوة

 

سماحة: بلا قهوة

 

مخبر: طيب أنت أيمتا راجع طالع لتكملة الغراض.

 

سماحة: بأي وقت هلق بنشوف شو هني.

 

مخبر: بشوف شو في نواقص أصلا، بدي شوف جماعتي يشوفو هني، أنا ما بعرف إذا في قنابل مثلا، بعتولي قنابل، أنا طالب قنابل يدوية ضد الأفراد

 

سماحة: ما بعرف شو في إذا مش باعتين منجيبها مع الفرودي، شو بعد في نواقص رح تشوف. وفي صواعق

 

مخبر: أنا بيهمني صواعق وساعات التوقيت تبع التفجير.هودي أهم شي

 

سماحة: هني كانوا محضرين شغلة بدّا الفان

 

مخبر: فان شو، شو فان، شوي شوي، شو منقدر مناخد

 

سماحة: هيدا المكان الاساسي، منزّل منو بيتنزّل وبيتحضر...

 

مخبر: آه اوكي

 

سماحة: ما بيعرفوا شي

 

مخبر: من عند الرئيس مباشرة

 

سماحة: إيه

 

مخبر: إيه لأنو هيك بيحضروا تريلا شو بدنا فيها وين بدنا ناخدها

 

سماحة: عم بيقولولي كذا، قلتلن لا، لأنو أنا، إذا ما قدرتو توصلوهن أنا بجيبن مدبرة الطريق على الطريق. ما حدا رح يحس ولا شي بمطرح لا بلبنان ولا بسوريا وعلحدود ما وقفت ما وقفت لحظة بقا...

 

مخبر: (تعليقا على تناول سماحة الصبير) هيدا الصبير منيح للصحة

 

سماحة: وللمعدة

 

مخبر: وللمعدة

 

سماحة: بقا شوف خيي شو ناقص فيهن يبلشو يشتغلو.

 

مخبر: أنا بشوف شو يللي فينا نبلش بيشتغلو فيه.

 

سماحة: (تلقى مكالمة هاتفية)

 

مخبر: هلق بدنا ننزل على الموقف بدي اضطر أنا روح.

 

سماحة: أنت بتروح بتبرم

 

مخبر: بدي أبرم

 

سماحة: بنبرم من هون، بتفوت صوب

 

مخبر: كأني نازل على أ بي سي

 

سماحة: أول مفرق على اليمين

 

مخبر: بفوت منو

 

سماحة: بتوصال لمطرح

 

مخبر: مين بيفتحلي باب الكراج

 

سماحة: أنا بكون تحت بفتحلك باب الكراج

 

مخبر: اوكي

 

سماحة: بتفوت، منشيل الغراض أنا وياك من سيارتي لسيارتك وحدنا

 

مخبر: يخزي العين عنك جايبن بسيارتك

 

سماحة: إيه (إيماءة)

 

مخبر: شو كان بدك بهالشغلة يطول عمرك

 

سماحة: يا خيي أولا بدي أمّن عالسرية لأنو ما بدي أتأخر وهونيك اللي مهم متل علي بدو هوي يهتم ما يقول لحدا عم يدير كل قصص البلد

مخبر: إيه أنا شامم ريحة هيك

 

سماحة: عم بيدير كل قصص البلد، يعني ما فيك، بتغيب إنتي ممكن يغيب كل الموضوع . أديش مهم الموضوع مهم اللي عم بيصير بحلب بحمص بالشام. يمكن يغيب عن بالهون إنو والله عندك جهاز وفي حدا يحضرلك الأمور ويحضرلك الواحد إذا عاملها شغلتو ليعطيك ياهن ساعة يللي بتوصال. منشان هيك التأخير

 

مخبر: سلمتلي عليه وقلتلو إنو بالنسبة يأمنوني بعدين يعني ماديا بس.

 

سماحة: التأمين المادي والتأمين الشخصي والتأمين هون والتأمين فوق، مأمن.

 

مخبر: كلو، خلص هلق العلوية على أساس تروح عليهم بالأول

 

سماحة (إيماءة رفض)

 

مخبر: ما بتروح عليهم

 

سمحة: (إيماءة رفض)

 

مخبر: بس بضل عم جرب أرصد محلات ممكن نعدل نروح عالخطة الأولانية مثلا

 

سماحة: خلينا عهاو

 

مخبر: خلينا عهاو، بس المشايخ السنّة إذا طلعو بدربنا بدنا نشيلن

 

سماحة: (إيماءة موافقة) وخصوصا الزعران

 

مخبر: وخصوصا الزعران

 

سماحة: يعني علي وعبد العال و...

 

مخبر: وخالد الضاهر وجماعتو

 

 

سماحة (إيماءة موافقة)

 

مخبر: طيب أنا رح إنزل قبلك.

 

سماحة: إيه مننزل. أنا رح إنزل لتحت لافتحلك

 

مخبر: وأنا بنزل عالسيارة

 

سماحة: بنزل أنا واياك

 

مخبر: أنا لو عارف، يطول عمرك، خليت الشباب يلاقوني لأعطيهن ياهن هلق هيدي النيكة هلق صرت بدي تلفن ليجي واحد من هونيك، هلق صرت بدي روح أنا.

 

سماحة: أنا ما تلفنتلك تما يتسجل أي اتصال بيني وبينك، حتى خليت غلاديس تحكي معك.

 

مخبر: عرفت أنا هيدا الموضوع أنا فهمت الموضوع على طول... تفضل... الحزب ما معو خبر بالموضوع؟

 

سماحة (عدة إيماءات نفي قاطعة)

 

مخبر: بنزل قبلك؟ أنا بدي انزل عالصفر لأبرم.

 

سماحة: وأنا بكون فتحتلك، ما رح طل بكون فتحتلك.

 

دخول المخبر وسماحة الى المصعد سويا

 

حديث داخل المصعد

 

مخبر: هلق هاو محطوطين بكراتين يطول عمرك

 

سماحة: إيه إيه

 

مخبر: بكراتين، هاي أهم شي

 

سماحة: إيه

 

مخبر: إيه خلص نشالله يكون باعتين تبع التوقيت الساعات تبع التفجير.

 

سماحة: هلق بتشوف ما بعرف أنا قلي شو النواقص كتيبة كتبتن.

 

(إيماءة من سماحة كأنه يحمل قلماً ويدون)

 

مخبر: تاني شي، أنا كنت بدي إلّك مرة الماضية الخط الفرنساوي ما فيني إحكيك عليه؟ والثاني؟

 

سماحة: لا

 

مخبر: هيدا الخط التعبان

 

سماحة: لا هلق بتعطيني خط جديد. أنا بطلبك عليه من خط بيعلم عندك، منصير نحكي عالخط هيدا.

 

مخبر: خلص ياالله

 

المخبر في السيارة: نسينا كيس المصاري فوق (قام بالاتصال بمرافق سماحة المدعو فارس) فارس أنا: الكنباية يللي كنت قاعد عليها في كيس نزلي ياه عالباركينغ، لتحت عمول معروف. (انتهاء المكالمة).

 

نازل لعندو عل الباركينغ جايب المتفجرات معو بالسيارة.

 

المخبر في السيارة يحاول الاستدلال على الباركينغ من فارس الذي التقى به في الشارع مع وصف لشكل ولون باب الباركينغ.

 

فارس: فتحو الأستاذ هونيك، إيه عاليمين

 

مخبر: ما نتبهت أنا. يا الله عذبناه.

 

فارس: دغري عالشمال

 

مخبر: بروح هيك، بجي أنا وييه، بدي حط شي بالصندوق.

 

فارس: انتبه

 

مخبر: ما تعتل همّ البورش مش أغلى من هاي. عم يقلي رجاع خلص.

 

التقى المخبر وسماحة لوحدهما في الباركينغ وباشرا بتحميل المتفجرات.

 

سماحة: هاو الصواعق

 

مخبر: هاو الصواعق

 

سماحة: هاو القنابل، هاو الساعات.

 

مخبر: أوكي هيدي الشنتة، خلينا نسكرا بتتسكر؟

 

سماحة: إيه

 

مخبر: هيدي الشغلة أهم شي

 

سماحة: هاي الصواعق

 

مخبر: هاو شو متل الألغام

 

سماحة: إنتو طالبينن

 

مخبر: فيك تحمل

 

سماحة: بحمل

 

مخبر: حمول يطول عمرك شوي شوي بتأثر الحماوة عليهن أو لا؟

 

سماحة: لا لا ما بيأثر. سألت

 

مخبر: لأن عندي مسافة طويلة. أنا لازم شيل الساعات حطّن جوا. أفضل جوا، وهاي الشنطة شنطة القنابل جوا أحسن.

 

مخبر: ال تي ان تي هون؟

 

سماحة: إيه

 

مخبر: خليني ساعدك، ما كانش يفتح الباب معي شوي شوي، شو بعد في بالصندوق هاي الكيس لإلي، يا ويلي خلص فيني أخدن هيك.

 

سماحة: إيه هوديك حطّيطن جوا.

 

مخبر: بس هيدي زيحا شوي ولاّ خلص

 

سماحة: خلص ثابتة

 

مخبر: طيب أنا حعلّملك من رقم منصير نحكي عليه

 

سماحة:لا عطيني رقمك، عندك ياه؟

 

مخبر: أنا رح علملك ياه ، معيش التلفون هون

 

سماحة: لا علملها لغلاديس

 

مخبر: بعلملها لغلاديس

 

سماحة: بتعلملها لغلاديس وأن بفتحوا

 

عناق وقبلات بينه وبين المخبر

 

سماحة: الله يوفقك

 

مخبر: منواصل بس إلو للمعلم يدير بالو عليي

 

سماحة: خالصة

 

مخبر: طيب يالله الرقم بيكون مع غلاديس.

 

انتهى تفريغ الاجتماعات الثلاثة المذكورة وعليه سطرت.

محضر التحقيق مع سائق سماحة فارس بركات 

 

من الاستقصاءات والتحريات التي قامت بها شعبة المعلومات، تبين لنا ان العاملين لدى المدعو ميشال سماحة هم كل من اللبنانيين فارس بركات بركات والدته جميلة مولودة عام 1952، رقم سجله 7/الخنشارة وهو السائق الشخصي، وعلي محمود ملاح والدته حسنة رزق، مواليد عام 1970 رقم سجله 151/عين قانا، وهو موظف بريد لدى الموقوف واللبنانية غلاديس جريس اسكندر والدتها اوديت لطوف مواليد عام 1976 لبنانية رقم السجل 28/ميس الجبل، وهي السكرتيرة الخاصة في مكتب الموقوف ميشال فؤاد سماحة في السوديكو.

 

لمراجعة النيابة العامة التمييزية بشخص النائب العام التمييزي وكالة القاضي سمير حمود واطلاعه على افادة الموقوف ميشال سماحة وعلى مجريات التحقيق، أشار حضرته بتوقيف ميشال فؤاد سماحة ومتابعة التحقيق معه، وإحضار جميع العاملين لديه المبينة كامل هوياتهم أعلاه وإستماع إفادتهم ومخابرته مجددا على ضوء النتيجة.

 

بتاريخ 9/8/2012  وعملاً باشارة النائب العام التميزي وكالة القاضي سمير حمود، قامت قوة شعبة المعلومات بإحضار المدعو فارس بركات بركات، والدته جميلة مواليد 1952، لبناني رقم السجل 70/الخنشارة الذي يعمل كسائق لدى المدعو ميشال سماحة من أمام منزل الاخير أثناء توقفه بسيارة "أودي" لون رمادي تحمل اللوحة رقم 286561/و والتي تخص ميشال سماحة المذكور، وهي نفسها المستعملة في نقل المتفجرات موضوع هذا المحضر، وبتفتيش فارس بركات المذكور، عثر معه على مسدس هريستال عيار 9ملم بلجيكي الصنع، يحمل الرقم 58278L  مع مشط عائد له، ممون بثلاثة عشرة طلقة من نفس العيار، صالحة للإستعمال وتم بموجب المحضر رقم 325/302 تاريخ 9/8/2012 تفتيش السيارة المذكورة بحضور فارس بركات وتكليف مكتب الحوادث المركزي للكشف عليها ورفع عينات منها. كما قامت قوة من شعبة المعلومات ايضا بإحضار المدعو علي محمود ملاح، الذي يعمل لدى ميشال سماحة بصفة عامل شخصي، وذلك من أمام منزل ميشال المذكور الكائن في محلة الاشرفية- ساحة ساسين أمام بناية كرم، حيث شقة المدعو ميشال سماحة في الطابق السادس، وبتفتيشه جسدياً لم يعثر معه على ممنوع، وبوصول المذكورين إلى مركز فرعنا، عملنا على تفتيشهما ثانية، فلم يعثر على ممنوع سوى ما ذكر بخصوص المسدس عندها باشرنا باستماع إفادتهما، كل على حدى وذلك على الشكل التالي:

 

إفادة فارس بركات بركات

 

س.ج: اسمي فارس بركات بركات، والدتي جميلة مواليد 1952، سكان جوار الخنشارة- الطريق العام- بملكي، عازب، أوقع امضائي، مهنتي سائق لدى المدعو ميشال سماحة، هاتف رقم 323229/03، لبناني رقم سجلي /7 / الخنشارة قضاء المتن.

 

س.ج: لا أرغب حاليا بالإستفادة بأي حق من حقوقي المنصوص عنها في المادة (47) من قانون اصول المحاكمات الجزائية والتي تلوتم عليّ مضمونها.

 

س.ج: أفيدكم انه صباح هذا اليوم وأثناء حضوري بسيارة "أودي" رقم اللوحة 1286561 / و  والتي اعمل عليها بصفة سائق للوزير السابق ميشال سماحة، وبوصولي إلى أمام منزل ميشال سماحة الكائن في بلدة جوار الخنشارة حيث أوقفها قرب المنزل، وترجلت منها، تقدمت مني دورية تابعة لشعبة المعلومات واعلنوا عليّ صفتهم الرسمية والغاية من الحضور وبتفتيشي جسدياً، عثروا معي على مسدس نوع هريستال رقم 58278 L مع مشط عائد له، ممون بثلاثة عشرة طلقة، والذي احمله بموجب رخصة حمل سلاح، صفة خاصة تحمل الرقم 03231 د/ود  صادرة عن وزارة الدفاع الوطني صالحة لغاية 31/12/2011، وتجدد شهريا خلال هذا العام بشكل تلقائي بناء لقرار وزير الدفاع الوطني

 

أي ان هذه الرخصة هي صالحة لغاية تاريخه وأضيف انه تم تفتيش سيارة "أودي" بحضوري حينها من قبل الادلة الجنائية، والتي عملت على أخذ عينات من السيارة في حينه، إضافة إلى انه تم تنظيم محضر من قبل القوة الامنية التي كانت موجودة لحظة التفتيش وتم إستماع إفادتي، بعدها تم إصطحابي إلى مركز فرعكم.

 

س: منذ متى تعمل لدى المدعو ميشال سماحة؟

 

ج: منذ أكثر من اثني عشرة عاما، وبصفة سائق براتب لا يتجاوز مليون ومئتي ألف ليرة لبنانية.

 

س: هل ترافق ميشال سماحة اثناء سفره خارج الأراضي اللبنانية؟

 

ج: انني ارافقه خلال سفره إلى سوريا فقط، وذلك إما انتقل معه بنفس السيارة التي يتنقل بها، أو أقود سيارة بمفردي وأسبقه بحوالي النصف ساعة، لإنجاز المعاملات على الحدود.

 

س: متى آخر مرة توجهت برفقة ميشال سماحة إلى سوريا؟ أخبرنا بالتفصيل عنها:

 

ج: افيدكم ان يوم الاثنين الواقع في 6/8/2012 وحوالي الساعة الثالثة صباحا، إنتلقت سيارة المرسيدس رقم اللوحة 7778777/ دون رمز، بعد أن وضعت فيها الأغراض الشخصية التي تخص الوزير السابق ميشال سماحة، حيث بدوره لحقني بعد نصف ساعة، وقمت بوصولي إلى المصنع بإنجاز المعاملات التي تخص السيارتين، أي المرسيدس والأخرى التي سينتقل بها ميشال سماحة.

 

وإنتظرت وقت حصوله، بعدها إنطلقنا إلى دمشق وتحديدا إلى فندق الشيراتون حيث مكثت بداخله لمدة 24 ساعة. وظهرا حضرت سيارتان تابعتان للقصر الجمهوري في سوريا، وعملت على إصطحاب معالي الوزير ميشال سماحة. بعد مرور حوالي الساعة والنصف من الوقت، عاد وحضر مجددا ميشال سماحة إلى الفندق ومكث داخل الفندق المذكور، في حين مكثت بدوري داخل غرفتي الخاصة وبقيت طوال الليل فيها. وفي اليوم التالي وحوالي الساعة العاشرة صباحا، سلمني رب عملي ميشال سماحة أغراضه الخاصة، عبارة عن ثياب وجهاز كمبيوتر "لاب توب"، وصرح لي انه سيذهب إلى مكان ما دون أن يحدد لي الوجهة. وأضاف أيضا انه سوف يذهب برفقتنا شخص إلى بيروت، ومن حملة الجنسية السورية، يدعى محمد فخري. وطلب مني أيضا انتظاره حتى إنتهائه من كافة أعماله. وبالفعل، حوالي الساعة الخامسة عصرا، إتصل بي ميشال سماحة وطلب مني أن أنطلق إلى بيروت، وبوصولي بعد أن قام علي ملاح بمرافقة محمد فخري إلى إحدى الفنادق، وخلال إنتظاري ميشال سماحة اتصل بي شخص كان برفقة ميشال سماحة في المنزل، طلب مني أن أقوم بإحضار كيس من النايلون كان موجودا على الكنبة حيث كان يجلس الشخص المذكور الذي كان يزور الوزير السابق ميشال سماحة والذي لا أعرف اسمه. ولما وصلت إلى موقف السيارات العائد للبناية قمت بتسليم الكيس المذكور إلى ميشال سماحة.

 

ص73

 

س: هل اطلعت على محتويات الكيس؟ وهل تعرف ماذا كان بداخله؟

 

ج: كلا، لم اطلع على محتويات الكيس.

 

س: ماذا شاهدت في موقف السيارات حين تسليمك الكيس إلى ميشال سماحة

 

ج: لم أشاهد شيئا كون الوزير ميشال سماحة، كان بمفرده، إلى جانب المصعد، وإستلم مني الكيس وطلب مني التوجه إلى منزله.

 

س: خلال فترة وجودك في سوريا، بتاريخي 6و7/8/2012 برفقة المدعو ميشال سماحة، من كان يتنقل بسيارة "أودي"؟

 

ج: كان الوزير السابق ميشال سماحة يتنقل بها، بمفرده، ولم أكن أرافقه.

 

س: أخبرنا تفصيلياً، عن تنقلات ميشال سماحة، أثناء وجوده في سوريا، في المرة الاخيرة.

 

ج: أفيدكم انه يوم الاثنين الواقع فيه 6/8/2012 انتقل الوزير السابق ميشال سماحة، بسيارة "أودي"، عند حضور سيارتين تابعتين للقصر الجمهوري، سبق وذكرت ذلك لكم، حيث رافق السيرتين المذكورتين، بسيارته "أودي"، أما في اليوم التالي، فخرج بسيارة "أودي" عند الساعة العاشرة صباحاً، وعاد حوالي الواحدة ظهرا، وسلمني أغراضه الشخصية، وطلب مني إنتظار اتصاله كي أنطلق إلى بيروت، وغادر إلى جهة مجهولة، لم أعرف إلى أين، كونه لم يعلمني عن تنقلاته.

 

س: هل شاهدت أي أغراض في صندوق "أودي"، عندما وصلتم إلى بيروت في 7/8/2012؟

 

ج: كلا، لم أشاهد أي شيء فيها، كون الوزير السابق ميشال سماحة سبقني إلى بيروت، بعد ملاقاتي له في المصنع، وقام بايقاف السيارة، في موقف بناية كرم، في محلة الاشرفية، وبقي مفتاح السيارة معه، ولم أطلع على محتويات السيارة.

 

س: من زار ميشال سماحة، ليل عودتكم من سوريا في 7/8/2012؟

 

ج: لقد زاره شخص ذكرته لكم، لكنني لا أعرف اسمه، وهو نفسه الذي طلب مني، أن احضر كيس النايلون من داخل شقة الوزير، وإنزاله إلى موقف البناية، حيث تم ذلك، وسلمت الكيس إلى الوزير ميشال سماحة.

 

س.ج: كلا لم أوقف سابقا بأي جرم

 

س.ج: ان المسدس الحربي نوع هريستال الذي ضبط بحوزتي مرخص، ولدي رخصة حمل سلاح، صفة خاصة، صادرة عن وزارة الدفاع الوطني، وتجدد شهريا، بناء لقرار وزير الدفاع الوطني الحالي، فايز غصن.

 

س.ج: كلا، ليس لدي ما أضيفه، خلاف ما ذكرت، وهذه إفادتي.

 

تليت عليه إفادته، فصدقها ووقعها معنا