شعيب : بعد ما تبين من مراجعة فيديوهات التكسير والتعدي على الأملاك العامة بصيدا، أنو الفاعلين هني شباب من صيدا

التصنيف: أقلام

2019-12-18 12:34 م 1191

كل مقال يعبّر عن رأي كاتبه، ولا يمثّل بأي شكل من الأشكال سياسة الموقع.

المصدر احمد شعيب صفحة فيسبوك

بعد ما تبين من مراجعة فيديوهات التكسير والتعدي على الأملاك العامة بصيدا، أنو الفاعلين هني شباب من صيدا، ردا على شباب من حارة صيدا نزلو وكسروا خيم بساحة الاعتصام، ما لقيت جملة أكثر تعبيرا غير اني قله بالصيداوي: "اوشبك شي أهبل لو عمي؟!؟!؟" ...

يعني اذا سلمنا جدلا بعقلية المناطقية (يلي الثورة صارت لتلغيها مع الطائفية والمذهبية)، بس انو بتكسر منطقتك ردا تكسير طال منطقتك؟ والله مش عم تركب معي حتى بالمنطق الشوارعي، انو اقله روح كسر بمنطقته (مش معناها انا مع التكسير، أنا ضده بأي مكان، ويلي صار ببيروت وكل المناطق غلط كائنا من كان يلي قام فيه)... خيي حتى بمنطق المرجلة، اذا زلمي طلاع وواجه يلي نازل يكسر منطقتك، هيدي مرجلة، أما واحد نازل يضربني، بقوم بخبط بحالي؟ والله ضحكتو العالم علينا انتو وعم تحكو مع الباركميتر ونازلين في مسبات وخبيط...

شباب صيدا من الحراك من أكثر من 60 يوم، ما تعرضوا بالأذى للأملاك العامة أو الخاصة، وعلى سبيل المثال لما اعترضوا على الباركميتر، غطوهم بأكياس نايلون، وطلبوا من البلدية وقف العمل فيهم لحد ما توضح البلدية شروط العقد، ولما تبين انو المشروع لمصلحة البلدية والمدينة، تم اعادة العمل فيهم...

هيدا الأسلوب الحضاري بالإعتراض يلي يمثل صيدا وشبابها، وواجبنا كأبناء صيدا نحافظ على مدينتنا... أما يلي صار من تكسير، لا يمثل إلا من صدر عنه...

#اوشبك_شي؟!
#أهبل_لو_عمي؟!