تشويش رقم 13 : 6 و 6 مكرّر

التصنيف: أقلام

2020-06-08 03:10 م 525

كل مقال يعبّر عن رأي كاتبه، ولا يمثّل بأي شكل من الأشكال سياسة الموقع.

بقلم : خليل ابراهيم المتبولي

- شو ؟ ما شفتك يوم السبت ؟
• وين بدّك تشوفني ؟
- بالساحة ، نزلنا تظاهرنا وتوقّعت شوفك ...
• كنت بالبيت ، ميّت من الجوع ، و معدتي عم تفرك علييّ .
- طيب ليه ما نزلت معنا تصرخ بوج يللي مجَوْعينك ؟
• أنت برأيك كنتو عم تصرخوا بوج يللي مجَوْعينّا ، أو ...
- أو شو ؟ دغري بدك تتّهم بالمؤامرة
• مش قصة مؤامرة يا صديقي ، القصة ما بدن يسمعوا صوتنا صح
- كيف هالحكي ؟!
• متل ما عم قلّك ، أول ما بلشنا برفع الصوت ونزلنا عالساحات ، ما كان في حدا ورانا ،
نزلنا لأنّو كنا موجوعين وجوعانيين ومسروقين ومنهوبين ...
- وهلأ نزلنا كرمال هيك
• مش مظبوط ، هلأ نزّلوكن هنّي ، وأوهموكن أنّو نزلتوا كرمال هيك .
- معقول هيك عم تفكّر ؟
• هيدا مش تفكير ، هيدا واقع ، خربولنا كل شي نزلنا كرمالو ، رجّعونا للصفر .
- لهالدرجة ؟!
• واكتر من هيك ، كلّو فساد بفساد ، والظاهر بلّشوا يفسدولنا طموحاتنا وحقوقنا ، ويقوقعونا
جوات الدين والطايفة والمذهب ...
- روق روق ، شو صرلك ؟
• ولا شي ، بس شايف يوم 6/6 ؟ كرّسو في 6 و 6 مكرّر وأكتر ...
- شو أكتر ؟!
• زاد الحقن والنفخ ...
- بس ساحتنا ...
• ساحتنا صارت ساحات ، وهيدا يللي بدن ياه ، و وصلولو .
- كلامك عم يخوّفني
• لازم تخاف يا صديقي ، لأنّو بدن الساحات تصير تحت شعار يا غيرة الدين ومقدّساتو .
- طيب شو العمل ؟
• صدّقني ما بعرف
- ومعدتك ؟
• خليها تموت من الجوع أحسن ما تموت بشي رصاصة موجّهة أو طايشة
- !!! ( مندهشًا ومذهولًا ومنبهرًا ومنبهلًا )

أخبار ذات صلة

شريف الأنصاري… رجل المهمات الصعبة في النشر العربي

2026-08-29 05:20 ص 212

القدس... مدينة كلما اشتد عليها حصار الاحتلال اتسعت في قلب فلسطين…

2026-08-27 07:42 م 110

قانون العفو العام بين مؤيد ومعارض

2026-08-20 11:14 م 179

صيدا تستغيث… والمجلس البلدي غائب

2026-08-17 11:09 م 323

بين ذكرى الانفجار وغرق السفينة… حين انتصر الإصرار على الألم

2026-08-04 03:49 ص 272

.. النائب البزري يكشف أبرز تعديلات قانون العفو العام

2026-08-03 09:23 ص 265

إعلانات متنوعة

صيدا نت على الفايسبوك

الوكالة الوطنية للاعلام

انقر على الزر أدناه لزيارة موقع وكالة الأنباء الوطنية:

زيارة الموقع الإلكتروني