خليل المتبولي : تشويش رقم 15 : تحت الأنقاض

التصنيف: أقلام

2020-09-10 03:53 م 367

كل مقال يعبّر عن رأي كاتبه، ولا يمثّل بأي شكل من الأشكال سياسة الموقع.

خليل المتبولي : تشويش رقم 15 : تحت الأنقاض
بقلم : خليل ابراهيم المتبولي

- هو هووو !! وينك مش مبيّن ؟
• هياني ، بيّنت
- أنّو إيه بيّنت ، بس ليه هيك شكلك مغيّر وضعفان
• عالعز يللي أنا فيه
- آه والله نيالك ، نحنا ...
• شو نحنا ما نحنا ؟! الظاهرصدّقت ؟!؟
- هيي غريبة شكلك هيك ! وتكون بعز
• لقمة الأكل أنجأ عم ناكلها ، شغلنا واقف وحياتنا تكركبت
- أزمة عالكل يا صديقي
• عالكل يللي متلنا ، في ناس بالعة البلد
- بلا حكي سياسة بشرفك
• مش عم بحكي سياسة ، عم بحكي عن وجعنا وسرقتنا
- إيه هيدي السياسة بحد ذاتها ، ليك عن جد وين كنت مش مبيّن
• تحت الأنقاض ، أنت عم تمرق من حد بيتي ؟
- إيه ، بس مش عم لاقيه .
• عافاك ، إذا مش عم تلاقي بيتي ، فكيف بدّك تلاقيني ؟ بيتي وقع عليي بِ 4آب
- عن جد ؟ وكيف عايش ؟ وشو وضعك ؟
• إذا بدّي جاوبك منصير عم نحكي سياسة ، ليك بدي اسألك ، أنا ضهرت من تحت الأنقاض لأنّو عرفت أنّو أجا سمك لدولتنا وبدو يوزعوه علينا
- هاهاها سمك ؟! ضاهر تاخد سمك ؟
• إيه وشوالغريب بالموضوع ؟ مش أجا سمك لألنا ؟
- إيه أجا سمك ، بس طار ...
• ليش السمك بطير ؟
- إيه وصل ، شرّبوه كباية شاي وطيّروه .
• شرب شاي كمان ؟ !
- إيه نعم ، وشاي سيلاني كمان ، ومش أي شاي !
• شو هالحكي ؟
- متل ما عم خبرك ، السمك شرب شاي وطار ...
• الله يحرق ... قلّك شو بلاها هالمسبة ، لشو بدي سم بدّني ، أنا رايح ...
- لوين ؟
• راجع تحت الأنقاض أحسن لي
- ............

أخبار ذات صلة

شريف الأنصاري… رجل المهمات الصعبة في النشر العربي

2026-08-29 05:20 ص 213

القدس... مدينة كلما اشتد عليها حصار الاحتلال اتسعت في قلب فلسطين…

2026-08-27 07:42 م 110

قانون العفو العام بين مؤيد ومعارض

2026-08-20 11:14 م 179

صيدا تستغيث… والمجلس البلدي غائب

2026-08-17 11:09 م 323

بين ذكرى الانفجار وغرق السفينة… حين انتصر الإصرار على الألم

2026-08-04 03:49 ص 272

.. النائب البزري يكشف أبرز تعديلات قانون العفو العام

2026-08-03 09:23 ص 265

إعلانات متنوعة

صيدا نت على الفايسبوك

الوكالة الوطنية للاعلام

انقر على الزر أدناه لزيارة موقع وكالة الأنباء الوطنية:

زيارة الموقع الإلكتروني