مصدر محمد الزعتري فيسبوك 

في مدرسة عين الحلوة الرسمية المختلطة (والتي غلب عليها اسم مدرسة نجم نظرا لوجود مستشفى نجم قبالتها..واليوم ذهبت المستشفى المدرسة ) لحاصلو.. ان المدرسة كانت عبارة عن فيلا قصر منزل فاخر مابعرف التفاصيل ، وقد تحول مطبخها الى ركن للسيدة انصاف لبيع الضربس والمعلل والشوكولا والمصاصة والغزلة واهم شي بونجيس الهرم ...والسيدة انصاف كانت تهتم ايضا بنظافة المدرسة وبالمونة او بالترغيب بلوح شوكولا كنا نكنس صفا باكرا يعني يوم ايه ويوم لاء والبنات يمسحوا ...هيدا كله بدون لا اتحاد ولا رابطة ولا تجمع ولا غير ذلك ، وفي الملعب اثناء الفرصة عندالساعة ١٠.٣٠ طبعا كل واحد بياكل سندويشته ويشتري وناظر الملعب عم يكزدر والعصى او المسطرة الخشبية السميكة في يده استعدادا لاي خرق بيئي ومن يسهو او يتوسخن ويكب ورقة جريدة (هي ورقة السندويش) محرمة.. يلتقطه رادار الناظر او اي استاذ عم يتشمس معه ...لم الورقة عن الارض يا وسخ .. مع انه عدد من براميل الحديد موزعة في الملعب لوضع النفايات .. وعندما تغلط تاني مرة بدك تكنس الصف لوحدك وهيك مع كل الفصول صرنا نحنا نلم حتى ورق السجر الاصفر او غيره وقد تعودنا على ان نجعل من صفنا ومدرستنا نظيفة يعني لما تربينا واتحدنا .
طيب اليوم بصيدا النفايات موزعة ومسيطرة على المدينة وشرقها ومشكور التنظيم الشعبي الناصري ومشكور ابو معروف والشكر لمن سبقهم من الجماعة الاسلامية وشباب المساجد ..طيب وين الباقيين وين النخوة والغيرة على البلد عل قليلي عشان ولادكن وختيركن .. وين الهيئات والجمعيات والمؤسسات وخاصة الانسانية والبيئية والشبابية والديمقراطية واخي والرفيق ... والسلف الصالح ونتعول (بتاع) الشعارات والاجتماعات والندوات بالسيلما (سينما) وعلى النهر .. والتخييم في اعالي واسفل جزين ولوًن الحي ورجًعوه زي ماكان. العمى رجعتونا الى نقطة تحت الصفر
اغلب تلك الجمعيات اذا مش كلها شمًرت عن ساعديها ونزلت الى مرفأ بيروت حاملة العدة مشكورين مأجورين مصحوبين بالصلاة على محمد وال محمد وهذا اقل واجب تجاه الوطن الواحد(على سبيل المثال ...وبعيدا جدا عن المقارنة)
لكن هن في وطن كمان هون في ناس وبلد بحاجة للمساعدة واسم الله عنكن كلن معكن مصاري .. وفيكن وفينا المتعلم والدكتور والمهندس والجامعي والطالب والعامل والكل بيعطي وبقدم ... مش باب السراي بشهر رمضان تحولت لتقديم البرامج والتراث وغيره وكله مدعوم على منصة صيرفة
لو كل مسؤول بهالجمعيات وا.و.او . والكل تحرك من شيل هالبهدلة والواسخة من مدينتنا ما منترك الوضع يصير هيك
واخيرا بدوه يصير ل "ترياتلون" بصيدا بدعوة من "جمعية صيدا انترناشيونال ماراثون ."
عظيم حلوة الانشطة والرياضة لكن كيف بدكن تلفه بصيدا واكوام النفايات بالاطنان
نصيحة اذا كانت الاموال المرصودة للنشاط يمكن صرفها في مجال البيئي ورفع النفايات فليكن